Test sinovlari natijalari elon qilindi
Chet tillarni bilish darajasini aniqlash va malaka sertifikatlarini berish uchun o`tkazilgan test sinovlari natijalari e’lon qilindi.
2014 yil 16-17 dekabr kunlari O’zbekiston Respublikasi Vazirlar Mahkamasi huzuridagi Davlat test markazida O’zbekiston Respublikasi Vazirlar Mahkamasining 2013 yil 31 dekabrdagi “Chet tilini bilish darajasini aniqlash va malaka sertifikatini berish to’g’risida”gi 352-sonli qarori asosida nomzodlarning chet tilini bilish darajasini aniqlash bo`yicha test sinovlari o’tkazildi.
Test sinovining natijalari http//nsfla.uz saytida e´lon qilindi.
40 nafar talabgorlardan 20 nafari ijobiy natijalarga erishdi, jumladan ingliz tili bo’yicha B2 darajasiga 14 nafar, B1 darajasiga 1 nafar, C1 darajasiga 4 nafar, turk tili bo’yicha 1 nafar o’qituvchi ijobiy natijaga erishdi.
Ushbu test natijalari bo`yicha ijobiy natijaga erishgan nomzodlarga davlat namunasidagi sertifikatlar beriladi.
Chet tillarni bilish darajasini aniqlash va malaka sertifikatlarini berish uchun test sinovlariga nomzodlarni ro’yxatga olish O’zbekiston Respublikasi Vazirlar Mahkamasi huzuridagi Davlat test markazining Chet tillarni bilish va egallash darajasini baholash boshqarmasi saytida davom etmoqda.